احلام ” بابتسامه وثقه، شدت كرسي السفرة وقعدت، حطت رجل ع رجل وفتحت شنطتها
طلعت سيجاره”
“عدنان خد الولاعة من ع الترابيزه وجري عليها
فتحها ( اتفضلي ي ست الستات)
احلام قربت منه وخدت اول نًفس من السيجاره
( مش قولتلك المره دي غير كل مره)
عدنان رايح جاي من الفرحه مش مصدق نفسه
( أخيراً هحقق كل اللي نفسي فيه)
احلام
( انا اول لما شوفتها قولت هي دي مفيش كلام)
عدنان قرب منها ” بتوتر”
( يعني مفيش اي قلق من ناحيتها، اطمن)
احلام
( اطمن وحط في بطنك بطيخه صيفي بس اهم حاجه تخرج بيها بره مصر خلال أسبوع زى ما وعدتني)
عدنان
( اكيد)
احلام قامت من ع الكرسي
(ها، فين؟)
عدنان
( فين اي؟)
احلام
( الفلوس)
عدنان طلع الفون وعمل عمليه تحويل من حسابه لحساب احلام
بعد دقايق، رساله من فون عدنان ( تم التحويل)
قرب منها ( تم التحويل ي ست الستات)
احلام ” بابتسامه عريضه”
( مبروك عليه ال ٤ مليون ومبروك عليك البنت ي عدنان بيه)
عدنان
( هي اسمها اي؟ )
احلام
( اسمها اسمها، ابقي سميها انت اي اسم بقي)
عدنان
( ريتاچ، انا هسميها ريتاچ)
احلام شالت شنطتها في ايدها
( انا ماشيه) اتحركت ناحيه الباب وقبل ما تخرج
فريحه من ورا الباب” بتخبط جامد”
وببكاء شديد ( اوعي ايدك، الحقوني الست المحروق”ة هتمـ,,ـوتنييييي)
في ڤيلا الدمنهوري ( في غرفه سهر واحمد)
منار بتوعد ( الليله هتبقي ليلتك ي أحمد، يوم عزا حمايا، هيكون نفس اليوم اللي هتكون فيه في حـ,,ـضني وضحكت بخباثه : هتبقي ملكي انا وبس)
” قربت من السـ,,ـرير وقعدت ع الارض وحطت د.ماغها عليه وبتحـ,,ـسس بإيدها وبتبـ,,ـوسه”
( السـ,,ـرير ده هو اللي هيجمع بيني وبينك النهارده)
” قامت وقفت”
كان فيه برواز لصوره الدمنهوري متعلق ع الحيطه
قربت منه وشالته من مكانه ومسكته بإيدها
وبضحكه سخريه ( خلاص مـ,,ـوت وارتحت منك
ومنها هي كمان)
وبتبص ل عين الدمنهوري اووووووى
وبتضحك بهستريه ( عاوزه تعرف هي مين صح، هقولك يا حمايا، سهر حبيبت القلب، المدلعه ع حسك، ست البيت ده، انا خلاص اتخلصت منها ومن بنتها حبيبتك اللي مفيش غيرها، فريحه،
اتخلصت منهم هما الاتنين، انا بكرهها وبكرهك
وبكرهه كل اللي فالبيت ده وبابتسامه كلها دموووع حقد وغيره : بس بحب احمد اوى اوى اوى ولفت في الاوضه والبرواز وقع منها اتكسر)
تنحت وبصتلوا ولسه هتوطي ع الارض
قامت داست عليه برجليها وبقت تكسره
” في ستين الف داهيه وتف” ت عليه “
( اتف” و)
الباب اتفتح وكان احمد
“ووطت بسرعه خدت البرواز وجريت عليه”
ببكاء شديد ( شوفت ي حبيبي وانا بنضف البرواز وقع مني واتكسر)
احمد بخضه كان باصص ع ايدها
( اي ده، د”م) خد البرواز منها وحطه ع الترابيزه
وبزعيق ( مش تخلي بالك من نفسك)
“منار بتبصلوا وهو ماسكها من دراعها بخوف وبيقعدها ع السـ,,ـرير وجري وفتح درج الكمود
جاب منه قطن وبيحاول يوقف الد”م”
منار بصت للد”م
( بن)
احمد
( اي)
منار
( الد”م مش هيقف غير بالبن)
احمد بتوتر وارتباك
” خرج بره الاوضه ونزل جري ع المطبخ جاب بن وطلع بسرعة”
قعد ع الارض ومسك البن وبيحاول يوقف الد”م
” وفعلا مسافه ما حطه الد”م وقف”
“احمد مسك صوابعها المتعور وباسه”
منار بتحسس ع شعره
( بحبك)
( وبحب فيك حنيتك عليه)
احمد قام وقف
( ابقي خلي بالك من نفسك بعد كده)
منار هزت دماغها
( حاضر)
فون احمد بيرن كان رقم غريب رد عليه
الو
مجهول : احمد الدمنهوري معايا
احمد : ايوه مين؟
مجهول : حضرتك انا بتكلم من اداره مستشفي الامل
احمد ارتبك : مستشفي
مجهول : ايوة ي فندم
احمد : خير في اي
مجهول : اخو حضرتك كارم بيه عمل حادثه
احمد بفزع : كارم اخويا انا عمل حادثه
(منار بان ع وشها الذعـ,,ـر)
مجهول : هو كويس ي فندم بس ببلغ حضرتك علشان حد يجي ياخده
احمد : متأكد ان اخويا كويس
مجهول : اه هو كويس، شوية كدمـ,,ـات بس
قفل معاه بعد ما خد العنوان ونزل بلغ كريم وراح علشان يجيبه
منار بغـ,,ـضب ونفخ في نفسها ( اف بقى، مكانش مـ,,ـات وخلصت منه ومن قـ,,ـرف”ه)
” رايحه جايه في الاوضه زي المجـ,,ـنونه وبعـ,,ـصبيه ونفخ “
( عمرى ما حسيت انه راج”ل، اهبل كده وع نياته
والناس الهبلة دي ملهاش انها تعيش وسطنا،
حطت ايدها ع دماغها وبتفكير، بتسأل نفسها، الحل اي ي منار، بترد ع نفسها : سهله خالص
الحل انه يمـ,,ـوت وارتاح منه 🤷🏻♀️ علشان اعيش لأحمد ومسكت بطنها وبنتنا اللي هتتزرع في بطني الليله)
في القسم..
العسكري ايده في ايد سهر لابسها الكلبش
سهر : هو انا هروح ع فين؟
العسكري : اخرسي وبيشدها من ايدها جامد
سهر بتحاول تمسك بإيدها التانيه الايد اللي فيها الكلبش ( ارجوك براحه)
بصت حواليها لقت بنات كتير أشكال وألوان واقفين في طابور
العسكري زقها عليهم
سهر : اي ده ومين دول؟
العسكري بزعيق : محدش فيكم يتحرك من مكانه، انا مش عاوز لا صوت ولا نَفس وبشخط
( فاهمه منك ليها)
سهر ببكاء ( هو احنا هنروح ع فين)
واحده من البنات اللي واقفه كانت متغطيه بملايه
خبطتها بكتفها ( هنروح ع النيابه ي عنيه)
“سهر بتبص للبنات ولمنظرهم وببكاء شديد”
في نفسها ( والله وجه عليكي اليوم ي سهر وتقفي وسط المجـ,,ـرمين وبنات الدعـ,,ـاره، بس وغلاوه بنتي
لاوريكي العذاب الوان ي منار واشربك من نفس الكأس اللي بشرب منه دلوقتى)
وبعد مرور ساعه والبنات واقفه في الطابور
ومن ضمنهم سهر، الوقت بيعدي وسهر بتنهار
سهر بتبص حواليها ونظراها جاب اخر الطرقه
” الدموع نازله من عينها، اتفجأت ب وعد خارجه من القسم وبتبصلها وتغمز لها”
( انا خرجت)
وعد للعسكري : متشكرين، انا قولتلك من الاول اني بريئه ومظلـ,,ـومه
العسكري : مش عاوزين نشوف وشك تاني ي ست مظلـ,,ـومه
وعد بضحكه عريضه : حاضر ي بيه
سهر في نفسها ( دي مشيت وهتسبني ولا اي
مش قالت إنها هتنقذني، اكيد كذابه، بس انا اللي غلطانه اني صدقتها، وبسخريه : اذا كان اختي اللي من لحـ,,ـمي ود,,مي عملت فيا كده، يبقى هستني اي من الغريبه وعيطت)
العسكري بشخط : يلا منك ليها، وبقي يجر البنات
علي بره القسم
عربيه البوكس واقفه
العسكري قرب من سهر وهمس في ودانها بصوت خافت محدش يسمعه غيرها
( البنات هتطلع البوكس واحده ورا التانيه، بعد دقيقه بالظبط، انا هفك الكلبش دلوقتي حالا، اوعي تتحركي من مكانك، تقفي وتتعاملي ع طبيعتك وبعد ما نخرج تخرجي من القسم)
سهر : بتقول اي
العسكري بحده : اللي سمعتيه
( طلع المفتاح وفك الكلبش)
خرج بالبنات علي البوكس
سهر اتسمرت مكانها، مكانتش قادره تتحرك
” فجأه لقت نفسها لوحدها وسط الطرقه”
الناس رايحه وجايه والقسم ابتدى يتزحم
” واقفه متسمره مكانها”
بصت ل رجليها وفي نفسها ( انا حاسه اني اتشليت، مش قادرة احرك رجلي، معقول انا حره دلوقتي، بتبص حواليها)
حمله داخله ع القسم ببنات ليل
واحده خبطت فيها
رجعت من شرودها ورجليها اتحركت وخرجت بره
القسم وباين ع وشها الذعر والخوف والقلق
شافت النهار، بتفرك في عينها
وعد بتشدها : تعالي ي اختي
سهر : انتي، انا قولت انك مشيتي وسبتيني
وعد : عيب عليكي، انا قولت اني هنقذك، يبقي هنقذك
” تاكسي وقف قصادهم والشاب اللي جواه فتح الباب”
( تعالي ي وعد)
وعد ل سهر وبتشدها من ايدها تركب التاكسي
سهر بقلق وخوف
( اي ده مين ده وع فين؟)
وعد
( ي بنتي اركبي ده ذكي ابن خالي، ده هو اللي خرجنا من المخروب ده، اركبي بقي قبل ما حد يحس بهروبك)
سهر بارتباك وبتبص من بعيد ع القسم
( حاضر، حاضر وركبت معاهم)
ذكي طلع بالتاكسي ومن تابلوه طلع بوكس
وبص وراه عليهم واداه ل وعد
( دي حاجه بسيطه انا عارف انك انتي وهي جعانين من امبارح)
وعد
( وانت هتقول فيها، ده انا همـ,,ـوت من الجوع)
” فتحت البوكس وطلعت لكل واحده فيهم
سندوتش وعلبه عصير”
سهر : انا مليش نفس
وعد : تعدميني ان ما اخدتيه
” سهر اخدته واكلت منه وبعد دقايق غابت عن الوعي”
وعد ل ذكي: كده فل اوووووي
ذكى مد ايده وادها كف : تمام ي بنت خالي
في منزل ملك..
تابع المقال
مقالات ذات صلة
-
معاناة انثي الجزء السادسسبتمبر 9, 2024 -
معاناة انثي الجزء الخامسسبتمبر 9, 2024
-
معاناة انثي الجزء الرابعسبتمبر 9, 2024
-
معاناة انثي الجزء الثالثسبتمبر 9, 2024
سبتمبر 7, 2024
